By: Bethel Bawi Lian
John 12:47 Vawlei hi a bia ceih awkah ka ra lo, vawlei hi khamh awktu ah ka ra.
John 10:18 Ka nunnak cu aho nih an ka chuh asi lo, keimah lungtho tein pek ka sianmi a si ko.
Marka 2:17 A dammi nih cun sibawi an herh tung lo, a zawmi lawng nih pei an herh ko cu.
Gospel (Thawngtha) Matthai, Marka, Luke, Johan: Jesuh Khrih nih athih lai teah, “vailam cungah khuaruahhar asi mi bia-pasirih a chim. Zumtu nih cun kan theih hnga dingmi Jesuh Khrih bia a si.
1. “Ka Pa, ngaithiam hna. An tuahmi hi zei a si ti awk an hngal lo,” Luke 23:34
>>> Hi nih alanghter mi cu dawtu kan sinak le amah Jesuh ngaithim tu le mi sual dawtu asi nak kha a kan hmuhsak. Zeitluk in dah Jesuh nih hin a kan dawt, aral kan si ko lioah, kan hlawt chuahmah liopi ko zongah, vailam ah “ka Pa ngaithian hna, an tuahmi hi zei a si ti awk an hngal lo.” Zumtu zong nih cu ve bantuk in Jeush Khrih lungput le dawtnak hi kan I nunpi ve ding mi asi. (Ngeihthiam Nun a kan cawnpiak)
2. “Mah hihi kan chimh: nihin ah Paradis ah keimah sinah na um lai,” Luke 23:43
>>> Jesuh nih cun vailam tahnak ahcun, misual, mifir pakhat cu a sualnak in a mer caah (repent) Jesuh nih a sualnak vilate in a ngaihthiam cawlh. Jeush Khrih nih a ngaihthiam khawh lomi sualnak pakhat hmanh a um lo, kan sualnak in kan I mer ahcun, zeitik hmanh ah a kan hlawt lo tu kan PAthian asi. (Misual dawtu le ngaithiam tu Jesuh)
3. “Minu, khaka ah khan na fapa a um khah,” a dawtmi a zultu zong cu, “khaka ah khan na nu a um khah.” John 19:27
>>> Jesuh nih anu hi, “ka nu” ti’in a chim lo, “minu” ti’in a chim. Nupithit rawldanghnak zong ah Jesuh nih Marry cu, “minu” ti’in a ti, vailam cung zongah, “minu” ti’in a chim than. Hi nih a langhter mi cu, Gensis 3:15 in “minu” kha alanghter.
4. “Ka Pathian, Ka Pathian, zeicahdah na ka kaltak.” Matthew 27:46
>>> Jesuh nih, vailam cung thihnak in atih deuh mi cu, a Pa le Thiang Thlarau he an van itthen ding hi attih bik mi si. Vawlei I a zultu nih an hlawt lio caan zongah, lihchimh an pumh lio caan zongah, atuk I an hrem lio caah zongah, Jesuh hi lungrethei in atap a ai hram bel lo. Asinain, vailam I kan sualnak vialte a hrawm hnu cun, a Pa le Thiang Thlarau nih an kal tak cang caah, vailam ah, “ka Pathian, ka Pathian, zeicahdah na ka kaltak.” Ti’in a au nak hi si.
5. “Ka ti a hal.” Matthew 19:28
>>> Zeizong vilate kha a tling dih cang, cun cathiang nih arak chimmi tlinternak caah khan hihi a chim mi si. Cun, Jesuh cu vailam cung ahcun taksa fahnak le harnak in akhah tiak, “ka ti a hal” tiah ati. Cun, taksa lei lawngin si loin, “thlarau lei zong in athi a hal”.
6. “Aa lim cang,” tiah a ti. John 19:30
>>> Zeidah a lim? (1) A Pa nih a fial mi rian a lim. Cucu, ‘Khamhnak’ kha asi, Jesuh nih cun khamhnak lam kha a kan tuah piak. (2) Prophets hna nih an aupi mi thawngtha kha alim. Biakam hlun I Prophets hna nih an rak chimchung mi bia hna le nawlbia vialte kha vailam ahcun Jesuh nih “alim cang” ati. (3) Genesis 3:15 kha alim cang. Khuachia le Satan thawnnak cu Vailam ah khan tei asinak kha alanghter. (4) Adonghnak ah, taksa in fahnak le harnak atuar mi vialte kha alim cang.
7. “Ka Pa, na kut chungah ka thlarau kha ka chiah.” Luke 23:46
>>> Hihi, Jesuh nih a donghnak bik a chimmi bia si. Jesuh nih cun vawlei I arian vialte, a Pa nih a fialmi a rian vilate alim hnu ahcun, a thlarau cu a Pa kut chungah a chiah. Kan theih dingmi cu, Jesuh hi thihnak nih atei caah si loin, amah lungtho tein, zeizong vailte cu a lim hnu ah a nunnak le a thlarau cu a Pa sinah a chiah I a nunnak cu a cat. Jesuh cu atuu hna caah a nunnak a pe siangtu ka Pathian asi.